Our Beloved Summer 🍀💛

                  පාසලේ දක්ෂතම සිසුවා සහ අදක්ෂ සිසුවා පිළිබඳ වාර්ථා වැඩසටහනක්. ඉහළම ලකුණු සහිත පන්තියේ දක්ෂම සිසුවිය කුක් යොන් සූ. ඇය තමා ගැන පමණක් සිතන ආත්මාර්තකාමී අයෙකු ලෙස ප්‍රසිද්ධය. පන්තියේ අවම ලකුණු සහිත චෝයි උං නිදහසේ සිටීමට කැමති චිත්‍ර ඇඳීමට දක්ෂ අයෙකි. වාර්ථා  චිත්‍රපටය වෙනුවෙන් මොවුන් දෙදෙනාගේ පාසල තුළ සහ දෛනික ජීවිතය පිළිබඳ දින ගණනාවක් රූපගත කිරීම් සිදුකරයි. එකිනෙකාව නොරුස්සන නිතර ඇති කර ගන්නා ගැටුම් වාද විවාදවලින් මේ රූගත කිරීම් සමන්විත වේ. එහෙත් රූගත කිරීම් අවසන්වන විට මොවුන් දෙදෙනා පෙම්වතුන් බවට පත්වේ. වාර්ථා චිත්‍රපටයට නරඹන්නන්ගෙන් ඊට ඉහළ ප්‍රතිචාර හිමිවේ. වසර පහකට පසු යොන්වූ විසින් දෙදෙනාගේ පෙම් සබඳතාවය නවත්වන අතර ඔවුන් නැවත එකිනෙකා හමුනොවීමට තීරණය කරයි.

             වසර දහයකට පසු ඔවුන් දෙදෙනා තම තමන් තෝරාගත් මාර්ගවල ගමන් කරමින් සිටින අතර යොන් සූ විසින් සිදුකරන ව්‍යාපෘතියකට අදාළව අන්වර්ථ නාමයකින් සිටින ප්‍රසිද්ධ චිත්‍ර ශිල්පියෙකු හමුවීමට සිදුවේ. එම චිත්‍රශිල්පියා චෝයි උං වේ. වසර ගණනකට පසු යොන්සූ තමා සොයාගෙන පැමිණි විට ඔහු කෙසේ ප්‍රතිචාර දක්වයිද? ඔවුන් දෙදෙනාගේ නැවත හමුවීම කෙබඳු වේවිද? වසර දහයකට පෙර සිදුකළ වාර්ථා චිත්‍රපටයේ දෙවන කොටස නැවතත් සිදුකිරීමට ඔවුන් දෙදෙනාට සිදුවුවහොත්??

             Romantic සහ Comedy ශානරයට අයත්වන මෙම ටෙලිනාට්‍ය 2021 වසරේ SBS නාළිකාව හරහා විකාශය විය. Kim Yoon Jin විසින් අධ්‍යක්ෂණය කරන ලද මෙය කොටස් 16කින් සමන්විත වේ. Kim Dal Mi විසින් Kook Yeon Soo ලෙසත් Choi Woo Shik විසින් Choi Ung ලෙසත් Kim Sung Ceol විසින් Kim Ji Ung ලෙසත් Roh Jeong Eui විසින් NJ ලෙසත් රංගනයෙන් එකතු වේ.

තවත් ටෙලිසිත්තමකින් හමුවෙමු ...

-සචිනි ඉමල්ෂා-

Main OST by Kim Tae Hyung (V)

Tomorrow ❤️‍🩹

           

 

කවදා හෝ ඔබට ඔබේ ජීවිතය නැති කර ගැනීමට සිතිලා තියනවද? 

         එසේ ජීවිතය නැති කර ගැනීමට උත්සාහ කරන මිනිසුන් බේරා ගන්නා ග්‍රීම් රිපර්වරු තිදෙනෙක්. ඇතුළත් අලුතෙන් ම එකතු වූ ඔහු ජුන් වූන්. ජූන් වූන් කියන්නේ රැකියාවක් සොයන සාමාන්‍ය තරුණයෙක්. රැකියාවෙන් රසකට ඉල්ලුම් කරත් ඔහු ප්‍රතික්ෂේප කරනවා. මේ අතර දින රාත්‍රියේ පාලමකින් පැන දිවි තොරකර ගැනීමට උත්සාහ කරන පුද්ගලයෙකු ඔහුගේ ඇස ගැටෙනවා. ඉක්මනින් ක්‍රියාත්මක වන ඔහු මේ පුද්ගලයාව බේරාගන්නවා. අනතුරට ජූන් වූ අනතුරට ලක් වී කෝමා තත්ත්වයට පත් වේ. කෝමා තත්වයේ සිටින ඔහුගේ Go Ryeon සහ Lim Ryung Gu නම් වූ ග්‍රීම් රිපර්වරු මුණ ගැසෙන අතර, සියදිවි හානිකර ගැනීමට උත්සාහ කරන පුද්ගලයන් බේරා ගැනීම භාර වී තිබේ. ජූන් වූන් හට ඔවුන් සමඟ ග්‍රීම් රිපර්වරයෙකු ලෙස සේවය කිරීමට අවස්ථාව ලැබේ. කතාවේ ආරම්භය මෙසේ සිදුවේ. පරීක්ෂාවන් සිට සියදිවි හානිකර ගැනීමේ අවදානමක් සහිත පුද්ගලයන් සොයා ගොස් ඔවුන්ව ඉන් පසුව ඉදිරියට ගෙන යයි. 

          ඔබට මට දිනපතා හමුවන මිනිසුන් කෙතරම් ආතතියෙන් සිටිනවාද? ඔවුන්ට ලෝකය දරාගන්නවා ඇතිද? තවත් කෙනෙකුගේ එක් වචනයකින් ඔවුන් ජීවිතයට තීරණය කළහොත්? ඔවුන් වටා සිටි සමීපතමයන් එය කෙසේ දරාගනියිද?? ජීවත්වීමේ වටිනාකම හෙටින් පසු ඔබට නැවත නැවත වැටහෙනු ඇත. මියයාම. කිසිවක් ජීවත් වීම අපහසුය. අපහසුවෙන් හෝ ජීවත් වීමට ඔබට මට සිදු වේ. මොකද ඔබේ ජීවිතය අයිති ඔබට පමණක් යැයි සිතුවත් ඔබේ ජීවිතය එක්ක දම්වැලක් මේ සම්බන්ධ තවත් පිරිසක් ඉන්නවා. ඉතින් දම්වැල බිඳ දහස් ගණනක් සිතන්න.

             2021 වර්ෂයේ විකාශය වූ මෙම කතාමාලාව කොටස් 16කින් සමන්විත වන අතර Naver නම් වෙබ් අඩවිය පාදක කර ගනිමින් නිර්මාණය වී ඇත. මෙහි අධ්‍යයනය Kim Tae Yoon සහ Sung Chi Wook විසින් ය. Fantasy ගණයට අයත් වන මෙය MBC සහ Netflix හරහා විකාශය විය.

          Rowoon විසින් Choi Joon Woong ලෙසත් Kim Hee Sun විසින් Goo Ryeon ලෙසත් Lee Soo Hyuk විසින් Park Goong Gil ලෙසත් Yoon Ji Oh විසින් Lim Ryung Gu ලෙසත් රංගනයෙන් දායක වේ.

තවත් ටෙලිසිත්තමකින් හමුවෙමු ...

                                       -සචිනි ඉමල්ෂා- 

තවත් තොරතුරු 

https://asianwiki.com/Tomorrow_(Korean_Drama)

Under the Queen's Umbrella ☔

රාජකීය වගකීම් හිසමත දරාගෙන තම දරුවන් ආරක්ෂා කරන ඇය...

             රැජින හෙවත් රාජ්‍යයේ ඉහළම වගකීම දරන ඇයත් මවකි. දඟකාර තරුණ කුමාරවරුන් සමඟ ඇය මාළිගය තුළ ගෙවනුයේ අවිවේකී දිනචර්‍යාවකි. කිරුළ හිමි කුමරු සහ තවත් තරුණ කුමාරවරු සිවු දෙනෙකුගේ මවවන ඇයට මාළිගය තුළ සිදුවන බල අරගල, දේශපාලන බලපෑම් හමුවේ ජීවත්වීමට සිදුවේ. එහෙත් නොසිතූ ලෙස ඇයට මුහුණ දීමට සිදුවන අවාසනාවන්ත සිදුවීම ...

           ඇය කිසි ලෙසකින්වත් බලාපොරොත්තු නොවූ අයුරින් තම වැඩිමහල් පුතුවන කිරුළ හිමි කුමරු රෝගී වී මියයි. තම දකුණු හස්තය මෙන් සිටි පුතුගේ වියෝව හමුවේ අනෙකුත් දරුවන්ගේ අනාගතයද අවිනිශ්චිත තත්වයකට පත්වන බව ඇය වටහා ගනියි. එනම් මීළඟට කිරුළ හිමි තනතුරට පත්වීමේ වැඩි ඉඩක් පවතිනුයේ Hwang උපබිසවගේ පුත්‍රයාවන Uiseon කුමරු නිසාවෙන්‍ ය. එසේ වුවහොත් තමා රාජ්‍යයේ රැජින වුවත් තම දරුවන්ගේ ජීවිත බේරාගැනීමට නොහැකිවන බව ඇය වටහා ගනියි. කිරුළ හිමි තනතුර වෙනුවෙන් දඟකාර කුමාරවරු සූදානම් කිරීමට ඇයට හැකිවේවිද? උපබිසෝවරුන්ගේ දරුවන් සමඟ ඇගේ දරුවන්ට තරඟ වැදීමට හැකිවේවිද? ඇගේ ධාරක ස්නේහයට පැමිණෙන සියලු බාධක ජයගැනීමට හැකිවේවිද?

         මෙය 2022 වර්ෂයේ TvN ඔස්සේ විකාශය වූ අතර Historical Drama යටතට අයත් වේ. මෙය Kim Hyun Sikගේ අධ්‍යක්ෂණයක් වන අතර කොටස් 16කින් සමන්විත වේ. මෙහි Kim Hye Soo විසින් රැජින ලෙසත්, Bae In Hyuk විසින් කිරුළ හිමි කුමරු ලෙසත්, Moon Sang Min විසින් Seong Nam කුමරු ලෙසත්, Ok Ja Jeon විසින් Hwang උපබිසව ලෙසත්, Kang Chan Hee විසින් Uiseon කුමරු ලෙසත් රංගනයෙන් දායක වන අතර Yoon Sang Hyeon, Yoo Seon Ho, Park Ha Joon, Kim Hae Sook අනෙක් චරිත සඳහා රංගනයෙන් දායක වේ.

රැජිනකගේ ස්නේහය කෙතරම් දැයි ඔබත් අමතක නොකර නරඹන්න.

තවත් තොරතුරු සඳහා  

https://asianwiki.com/Under_The_Queen%27s_Umbrella

තවත් ටෙලිසිත්තමකින් හමුවෙමු...

                                                         -සචිනි ඉමල්ෂා- 

🎧OST🎶 (Moon Lovers)

 

                                                    Moon Lovers 🌙

තරු දහසක් මැද

සඳ නොමැතිව 

අඳුරු වූ අහසට

පෑයූ සඳවතිය ...

හැම තරුවකට ම

ආදරය ඉගැන්වූ

සඳවතිය ...

අහසට

හිනාවෙන්න ඉගැන්වූ

සඳවතිය ...

සැමට රහසින්

අහසටත් නොකියා

බැසගිය

සඳවතිය ...

නැවත පායනතුරු

බලාහිඳිමි

සඳවතිය ...

-සචිනි ඉමල්ෂා-

Happiness 🧟‍♂️

      

                    

              නිව්මෝනියා රෝගය වෙනුවෙන් සැකසූ ඖෂධයක් අසාර්ථක වීමෙන් එම ඖෂධ ලබා ගත් මිනිසුන් විකෘති රෝගී තත්වයකට මුහුණ දේ. රෝගය වැළඳුණු මිනිසුන් අනෙකුත් මිනිසුන්ව සපාකමින් විකෘති හැසිරීම් පෙන්වන අතර සපාකෑමට ලක්වූ පුද්ගලයන් ද රෝගයේ ආසාදිතයින් බවට පත් වේ.ඖෂධයක් සොයා ගැනීමට නොහැකිව වසංගතයක් ලෙස පැතිරී යන රෝගය නිසා රට ම භීතියට පත් වේ. 

       පොලිස් නිළදාරිනියක වන සේ බොම් රෝගය ආසාදනය වූ මිතුරෙකුගේ ප්‍රහාරයකට ලක් වූවත් ඇයට රෝගය වැළඳෙන්නේ නැත. ඇය රෝගයට ප්‍රතිරෝධී අයෙකු බව හඳුනා ගනියි. මේ අතර ඇයට නව නිවසක් ලබා ගැනීමේදී කොන්දේසියක් ලෙස විවාහා වීමට සිදුවේ. ඇය හා ව්‍යාජ විවාහයක් සිදුකිරීමට ඇගේ පාසල් මිතුරෙකුවන යි හ්‍යුන් කැමති වේ. දෙදෙනා විවාහා වී නිවාස සංකීර්ණයක නව නිවසේ පදිංචියට පැමිණේ.

                  

           එහෙත් නොසිතූ අයුරින් නිවාස සංකීර්ණය අවට රෝගය පැතිරී යන අතර ඔවුන්ට නිවාස සංකීර්ණය තුළ  සිරවීමට සිදුවේ. නිවාස සංකීර්ණයේ අනෙකුත් නිවැසියන් සමඟින්  රෝගය වැළඳී විකෘති ලෙස හැසිරෙන පුද්ගලයන්ට එරෙහිව ක්‍රියාකිරීමට ඔවුන්ට සිදුවේ. රෝගයට ගොදුරුවූ පුද්ගලයන්ටත් වඩා  නිවාස සංකීර්ණයේ වාසය කරන අනෙකුත් මිනිසුන් සමඟ ගනුදෙනු කිරීම අපහසු බව ඔවුන්ට වැටහේ.

මේ විවිධාකාර මිනිසුන් සමඟ ගනුදෙනු කරමින් වසංගත රෝගයට එරෙහිව සටන් කිරීමට ඔවුන්ට හැකිවේවිද?

                  

      මෙය 2021 වසරේ TvN , ViKi සහ Netflix හරහා විකාශය විය. Ye Won Wunගේ අධ්‍යක්ෂණයක් වන අතර කොටස් 12කින් සමන්විත වේ. මෙය Triller ගණයට අයත් වේ.

      Han Hyo Joo විසින් Yoon Sae Bom ලෙසත් Park Hyung Sik විසින් Jung Yi Hyun ලෙසත් රංගනයෙන් දායකවන අතර Oh Ju Hyung, Joo Jong Hyuk, Na Soo Min, Ju Seung Lee, Ye Won Wun සෙසු චරිත සඳහා රංගනයෙන් එකතු වේ.

තවත් තොරතුරු සඳහා 

https://asianwiki.com/Happiness_(Korean_Drama)

තවත් ටෙලිසිත්තමකින් හමුවෙමු... 

                                       -සචිනි ඉමල්ෂා-